विर्तामोड- विहिबारको अन्तिम क्वाटर फाइनल खेलमा त्रिभुवन आर्मी क्लबको जितसंगै विर्तामोडमा जारी झापा गोल्डकप फुटबल प्रतियोगिताको सेमी फाइनलको समीकरण पूरा भएको छ।
विहिबार नेपाल पुलिस क्लबसंग भिडेको आर्मी शनिवार मनाङ मर्स्याङदी क्लबसंग सेमी फाइनल खेल खेल्नेछ। प्रतियोगिताको पहिलो सेमी फाइनल खेल शुक्रबार आयोजक रमपम झापा ११ र थ्रीस्टार क्लबबीच हुनेछ।
विहिबारको अन्तिम क्वाटर फाइनल खेलमा आर्मीले पुलिसलाई १-० गोल अन्तरले पराजित गरेको हो। खेलको ४३ औं मिनेटमा आर्मीका जर्ज प्रिन्स कार्कीले फ्रि किकमा शानदार गोल गरेका थिए। उनको गोल नै निर्णायक बन्यो।
विहिबारको खेलको म्यान अफ द म्याच आर्मीका जर्ज प्रिन्स कार्की घोषित भए। उनले नगद २५ हजार पुरस्कार पाए। झापा गोल्डकपको विजेताले १२ लाख ५१ हजार नगद पुरस्कार पाउनेछ भने उपविजेताले ६ लाख नगद पुरस्कार पाउनेछ।
सम्बन्धित समाचार
भर्खरै
लोकप्रिय
