सुर्खेत– गाडी दुर्घटनाका कारण घाइते भएका पूर्वगृहमन्त्री पूर्णबहादुर खड्का प्राथमिक उपचारपछि डिस्चार्ज भएका छन्। गाडी दुर्घटनाबाट सामान्य घाइते भएका खड्का क्षेत्रीय अस्पताल कालागाउँमा भएको प्राथमिक उपचार पश्चात डिस्चार्ज भएका हुन्। उनको अवस्था सामान्य रहेको उपचारमा संलग्न डाक्टरहरुले बताएका छन्।
छिञ्चुदेखि वीरेन्द्रनगर आउँदै गरेको बा १५ च ८३५४ नम्बरको गाडी भेरीगंगा नगरपालिकास्थित सप्तरीमा दुर्घटना भएको थियो। दुर्घटनामा परी सामान्य घाइते भएका पूर्वगृहमन्त्री खड्कालाई मध्यपश्चिमाञ्चल क्षेत्रीय अस्पताल कालागाउँमा उपचार गरिएको थियो।
‘पूूर्वगृहमन्त्रीको छाती, हात र खुट्टामा सामान्य चोट लागेको थियो,’ जिल्ला प्रहरी कार्यालयका प्रमुख (एसपी) उमाप्रसाद चतुर्वेदीले भने, ‘शरीरमा चोट लागेको आशंकामा भिडियो एक्सरे गरे पश्चात डिस्चार्ज भइसक्नुभएको छ।’ उनका अनुसार खड्काका सहयोगी प्रहरी नायव निरीक्षक सञ्जीव आचार्यको टाउकोमा चोट लागेको छ।
दुर्घटनाबाट घाइते आचार्यको क्षेत्रीय अस्पताल कालागाउँ सुर्खेतमा भएको प्राथमिक उपचार पश्चात माया नसिंङ्ग होममा रिफर गरिएको छ।
गाडी अनियन्त्रित हुँदा सडकको भित्तामा ठोक्किएको हुनसक्ने ट्राफिक प्रहरीको अनुमान छ। दुर्घटनामा गाडीको बायाँ भागमा क्षति पुगेको प्रहरलिे जनाएको छ।
यो पनि पढ्नुहोस्
भर्खरै
लोकप्रिय
