पोखरा – प्रदेश ४ को संसदबाट ३३ दिनमा ३६ बैठक बसि ८ विधेयक पारित भएको छ । संघीयताको नयाँ अभ्यासमा रहेका संसदको २०७४ साल माघ २२ गते बिहान पहिलो सांसदको बैठक बसेको थियो ।
फागुन २ गते माओवादी सांसद नेत्रनाथ अधिकारी सभामुख निर्विरोध निर्वाचित भए । फागुन ६ गते उप सभामुखमा एमालेकी सांसद सृजना शर्मा निर्वाचित भइन् । अर्थ मन्त्री किरण गुरुङ्गले पेश गरेको बजेटमा प्रतिपक्ष दल कांग्रेस र नयाँ शक्तिले वैशाख २० गते प्रदेश सभामा अवरोध सृजना गरेका थिए ।
२०७४ माघ २२ गते सुरु भएको अधिवेशन ३३ दिनमा ३६ पटक बैठक बसेर ८ वधेयक पारित गर्दै सकिएको छ । सभामुख नेत्रनाथ अधिकारीले प्रदेश सभामुख बाबुराम कुँवरले पठाएको अधिवेशन अन्त्यसम्बन्धी पत्र पढेर सुनाए । सोमबार नै बैठकले स्थानीय तहको सभा सञ्चालन सम्बन्धी विधेयक पारित गरेको छ ।
संसदमा प्रतिनिधित्व गर्ने पाँचवटै दलले प्रदेश ४ लाई उत्कृष्ट र नमुना योग्य बनाउन प्रतिबद्ध भएको बताएका छन् । संघीयताको नयाँ अनुभव भए पनि सिकाइ हुँदै जाँदा अहिले सहज र निर्धक्क कुरा राख्न सक्ने भएको सांसदहरुको अनुभव छ ।
एमालेका मुख्य सचेतक मायानाथ अधिकारीले संघीयताको नयाँ अभ्यासमा नीति नियम तयार गर्दै अघि बढ्दा ब्यवस्थापकीय कठिनाइ भएपनि पहिलो बैठक उपलब्धी मुलक रहेको बताए । प्रदेशलाई समृद्धि बनाउन सानातिना मतभेदलाई बिर्सेर अघि बढ्न अधिवेशन सफल भएको उनको भनाई थियो ।
माओवादी केन्द्रका प्रमुख सचेतक गायत्री गुरुङ्गले नयाँ संघीयताको नयाँ अभ्यासको सिकाइले बिस्तारै परिपक्क बनाउँदै लगेको बताइन् । उनले भनिन् ‘सुरुमा केही कठिनाई भए पनि अहिले सहज बन्दै गएको छ, प्रदेशको समृद्धिका लागि जुट्ने आत्मविश्वास बढेको छ ।’ नीति तथा कार्यक्रम र बजेटले प्रदेशको समृद्धिको बाटो खुलेको भन्दै त्यहि आधारामा प्रदेश सरकार अघि बढ्ने बताइन् ।
प्रमुख प्रतिपक्ष दल नेपाली कांग्रेसका प्रमुख सचेतक मणिभद्र कँडेलले प्रदेश संसदको पहिलो अनुभव उत्साप्रद रहेको बताए । उनले सरकारमा प्रमुख प्रतिपक्षबाट दिएको सुझावलाई सकारात्मक रुपमा ग्रहण गरेको बताए । उनले भने ‘सरकारलाई जथाभावी सल्लाहकार नियुत्त नगर्न दिएको सुझाव कार्यान्वयन भएको छ ।’ उनले विनियोजन विधेयकमा उठेका प्रश्नलाई पनि मुख्य मन्त्रीले मिलाएर जाने आश्वासान दिएको बताए ।
राष्ट्रिय जनमोर्चाका नेता कृष्ण थापाले नयाँ अनुभव भएपनि काम गर्दै जाँदा बुझ्ने अवसर मिल्दै गएको बताए । उनले नीति तथा कार्यक्रम र बजेट सन्तोजनक नभएको र प्रदेश भन्दा पनि पोखरा केन्द्रित बजेट आएको आरोप लगाए ।
संसद सचिवालयमा दर्ता भएका २ वटा विधेयक बैठकमै पेश नभएको भन्दै उनले पर्याप्त कानुन बन्न नसकेकोमा असन्तुष्टि व्यक्त गरे । उनले भने ‘यसरी नै सरकार अघि बढ्ने हो भने संघीयता कार्यान्वयन हुने माथि शंका छ ।’
नयाँ शक्ति पार्टीका नेता हरिशरण आचार्यले प्रदेश सभाको पहिलो अनुभवले धेरै कुरा सिकाएको प्रतिक्रिया दिए । उनले नयाँ शक्ति पार्टिले भ्रष्टाचारको निर्मुलिकरण शुशासन युक्त समाजकोलागि भएको भन्दै त्यसकोलागि संसदमा आफुले आवाज उठाउन सफल भएको बताए । उनले भने ‘लोकतन्त्रलाई संस्थागत गर्ने प्रतिपक्षका आवाजको सुनुवाई हुनु पर्छ ।’
हिउँदे अधिवेशनले पुरक बजेट र नीति तथा कार्यक्रम सार्वजनिक गर्दै उत्कृष्ट प्रदेश बनाउने प्रतिबद्धतासहित ८ विधेयक पारित गर्दै सोमबार सकिएको छ । अब क्याबिनेट बिजनेश ल्याएर बैठक डाकेपछि सुरु हुनेछ ।
भर्खरै
लोकप्रिय
