मोदी आउनै लाग्दा यस्तो छ जनकपुरको सुरक्षा व्यवस्था

जनकपुरधाम – भारतीय प्रधामन्त्री नरेन्द्र मोदी आउने भएपछि जनपुरको सुरक्षा व्यवस्था कडा पारिएको छ । भारतबाट उडिसकेका भारतीय प्रधानमन्त्री मोदी बिहान सवा १० बजे जनकपुरमा ल्याण्ड हुने कार्यक्रम छ ।

उनी त्यस लगतै जानकी मन्दिरमा दर्शनका लागि जानेछन् । त्यहाँ पूजा गरेपछि प्रधानमन्त्री केपी शर्मा ओली र भारतीय प्रधानमन्त्री मोदीबिच भेटवार्ता हुनेछ । मोदीसँगको भेटपछि ओली काठमाडौं आउने र मोदी नागरिक अभिनन्दनका लागि रंगभूमि मैदान जाने कार्यक्रम छ ।

मोदीलाई रंगभूमि मैदानमा नागरिक अभिनन्दन गर्ने कार्यक्रम छ । मोदीको भ्रमणका लागि सुरक्षा व्यवस्था कडा पारिएको छ । नेपाली सेनाको हेलिकप्टरले आकाशबाट गस्ति गरिरहेको छ भने सेनाका बख्तरबन्द गाडीले स्थलमा सुरक्षा दिइरहेका छन् । यस्तै प्रहरी पनि खटिएका छन् ।