विर्तामोड-जिल्ला प्रशासन कार्यालय झापा, जनस्वास्थ्य कार्यालय तथा नेपाल प्रहरीले अस्पताल तथा शिक्षण संस्थाहरु नजिकमा रहेका पसलहरुमा मदिरा तथा सूर्तिजन्य पदार्थको खुल्ला विक्रीमा कडाई गर्न सुरु गरेको छ।
आइतबार विर्तामोडका अस्पतालका १ सय वरपरका पसलहरुबाट त्यस्ता पदार्थ बरामद गरी इलाका प्रहरी कार्यालय विर्तामोडमा नष्ट गरिएको छ।
विर्तामोडको विर्तासिटी अस्पतालको सय मिटर वरपर रहेका होटल तथा पसलहरुमा बिक्रीका लागि राखिएका मदिराजन्य तथा सूर्तिजन्य पदार्थ बरामद गरिएको प्रहरीले जनाएको छ । बरामद गरिएको २१ बोतल बियर प्रहरीले पोखेको छ भने १ कार्टुन सूर्तिजन्य पदार्थ डढाइएको छ।
मदिरा र सूर्तिजन्य पदार्थ बरामद गरिएका पसल तथा होटल सञ्चालकलाई अब उपरान्त बिक्री नगर्न सचेत गराइएको इप्रका विर्तामोडका डिएसपी कोइरालाले बताए ।
विर्तामोड नगरपालिका र उद्योग वाणिज्य संघले नै अस्पताल वरपरका होटललाई मदिरा बिक्री गर्न अनुमति दिएको पाइएको प्रहरीले भनाइ छ।
अब उक्त चेकजाँचलाई नियमित बनाइने डिएसपी कोइरालाले बताए। अस्पताल तथा शिक्षण संस्थाको १ सय मिटर वरपर मदिरा तथा सुर्ती बेच्न कानुनले बन्देज लगाएको छ।
भर्खरै
लोकप्रिय
