काठमाडौँ – सरकारले जुम्लामा अनशनरत डा. गोविन्द केसीलाई लिन बिहीबार बिहान हेलिकप्टर पठाएको छ । शिक्षा, विज्ञान तथा प्रविधि मन्त्री गिरिराजमणि पोखरेलले पत्रकार सम्मेलन गरेर डा. केसीलाई लिन हेलिकप्टर पठाइएको जानकारी दिएका हुन् ।
साथमा स्वास्थ्य विभागका महानिर्देशक डा. गुणराज लोहनीलाई पनि पठाइएको उनले जानकारी दिए ।
डा. केसी अनशनरत कर्णाली स्वाथ्य विज्ञान प्रतिष्ठानले यनको उपचार अब आफूहरुले गर्न सक्ने अवस्थामा नरहेको बताए लगत्तै बुधबार राति बसेको नेकपाको आकश्मिक बैठकले डा. केसीलाई ल्याउने निर्णय गरेको थियो ।
डा. केसीलाई काठमाडौँ ल्याउने र उनका माग बारे खुल्ला छलफल गर्ने निर्णय नेकपाले गरेको हो । चिकित्सा शिक्षा विधेयक अध्यायादेश अनुसार नै हुनु पर्नेसहितका माग गरेर डा. केसी अनशनमा छन् ।
वार्ताको प्रयास भएका छन् तर सहमति जुट्न सकेको छैन । डा. केसी पक्षले कर्मचारीको टोलीलाई पूर्ण अधिकार नभएको भन्दै बुधबार मन्त्रीस्तरमा मात्र वार्ता गर्ने बताएका थिए ।
भर्खरै
लोकप्रिय
