म्याग्दी/बेनी-सामाजीक सञ्जालदेखि जताततै अरिङ्गालको चर्चा निकै चुलिएको छ। व्यग्यांत्मक प्रयोगमा सामाजिक संजालमा छाइरहेको बेला अरिङ्गाल ब्यवसायबाट बेनी नगरपालिका वडा नं. ७ मा विरेन्द्र चोकमा सृजना भट्टचन भने पछिल्लो समय अरिङ्गालवालिबाट चर्चा बटुलिरहेकी छिन्।
लामो समय देखि होटल ब्यवसायमा आवद्ध उनलाई पछिल्लो समय अरिङ्गालवालि भनेर चिनिने एउटै कारण भने उनले अरिगांलको ब्यापार गर्छिन् । विरेन्द्रचोकमा रहेको होटल रोजिनाकी संचालक रहेकी सृजनाले अरिङ्गालको ब्यापार फष्टाउँदै गएपछि ग्राहकले उनलाई अरिगांलवालि नाम राखिदिएका छन् । कतिले अरिङ्गाल खाए पछि सामाजिक संजालमा फोटो पोष्ट गर्दै अरिङ्गालवालि नाम दिने गरेका छन्।
२ वर्ष अघि गलेश्वर चमेरेमा अरिङ्गालको ब्यापार गरेको देखेकी उनले पछिल्लो तीन महिना देखि आफैले अरिङ्गालको ब्यापार गर्दै आएकी छिन् । उनलाई यो ब्यवसायमा सल्लाह दिने महिला उद्यमी पुष्पा पुन हुन्।
म्याग्दी विमका रिम बहादुर र खिम बहादुर गौतम दुई भाइले अरिङ्गाल पोेलेर ल्याउने गरेका छन् । सृजनाले मानाको १५ सय रुपैयामा अरिङ्गाल खरिद गर्दै आएकी छिन् । शुरुमा त उनले २ हजार तिरेर समेत अरिङ्गाल खरीद गरिन् । अहिले सिजनको समयमा उनले १५ सय मानामा पाएकी छिन्।
सृजनाले ग्राहकलाई अरिङ्गाल फ्राई गरेर लसुन प्याज राखेर पाँचसय प्लेटमा बेच्छिन् । अहिले उनलाई यसैको ब्यापारमा भ्याइ नभ्याइ छ ।
उनको होटलमा अरिङ्गाल खाने कसरी आइपुगे त ग्राहक ?
उनी भन्छिन्, ‘यो सब फेसबुकको कमाल हो ।’ मैले फेसबुक मार्फतनै यसको प्रचार गरे। त्यहीबाट यसको ब्यापार बढ्यो । शुरुमा मैल अरिङ्गाल राखेर खाने हो भनेर स्टाटस राखे, त्यस पछि अरिङ्गालको नयाँ ब्यवसाय भन्दै पोष्ट गरें, लगत्तै फष्टाउँदै छ अरिङ्गाल ब्यवसाय भन्दै अरिङ्गालको फोटोहरु राख्न थाले।
अरिङ्गाल आउँदाको दिन आज आइपुग्यो अरिङ्गाल भन्दै फेसबुकमा पोष्ट गरिहाल्थे । यसैबाट ब्यवसायले गति लिन थाल्यो ।’ उनले उत्साहित हुँदै भनिन् । ‘अहिले त काठमाडौ पोखराबाट समेत अरिङ्गाल माग बढिरहेको छ । तर माग अनुसार पुर्याउने सकेको छैन’
सृजनाले दैनिक १० देखि १५ हजारसम्मको अरिङ्गालको ब्यापार गर्छिन् । विशेष गरि अरिङ्गाल खान आउनेहरु सौखिन, चिसो लागेका र प्रेसर लो भयो भन्नेहरुले बढि अरिङ्गाल खान आउँछन् ।
फरक ब्यवसायबाट ब्यवसायिक यात्रा अघि बढाउँदै अरिङ्गालवालिको उपमा पाएकोमा उनी दंग छिन् । अरिङ्गाल भन्दा बित्तिकै धेरै डराउँछन् तर यहिनै ब्यवसायको रुपमा आजकाल फष्टाउँदो छ । यसलाई ब्यवसायिक रुपमा पालन गर्न सके अझै राम्रो हुँदै जाने उनको विश्वास छ ।
यता अरिङ्गाल पोलेर आर्थिक जोहो गर्न सफल भएका म्याग्दी विमका रिम बहादुर गौतम भन्छन् । ‘एक दिन गाउँमा एक जना गुरुङ्ग थरका ब्यक्ति अरिङ्गाल खोज्दै आए, हामीले अरिङ्गाल पोलेर दियौ।
उनले अरिङ्गाल खाए पछि स्वास्थ्यमा सुधार आएको र शरीर पसीना आउने गरेको बताए । त्यसपछि खरबाङ्गबाट पनि अरिङ्गालको माग हुनथाल्यो । हामीले वरिपरि खोज्दै अरिङ्गाल बेच्न थाल्यौ । अहिले त एकदमै माग बढ्दो छ ।’
ठुलो घारबाट ३३ माना जति अरिङ्गाल निकालेको र ४० हजार जति कमाएको उनको भनाई छ ।
अहिले अरिङ्गाल खोज्न १ दिनको बाटो सम्म पुग्ने गरेको उनको अनुभव छ । उनले अरिङ्गालको ब्यवसायिक पालनको बारेमा भने कसैसँग नसोधेको बताए ।
उनले भने– ‘अरिङ्गाल टोक्ने भएकाले अलि गाह्रो हुन्छ होला यसको ब्यवसायिक पालन गर्ने पछिल्लो समय माग बढ्दै गएको छ अब कृषि विज्ञहरुले कुनै सल्लाह दिनु भयो भने गर्ने सकिन्छ कि !’ उनले अरिङ्गाल ब्यवसायिक पालन गर्ने कुनै आइडिया पाउन सके गर्न इच्छा ब्यक्त गरे।
भर्खरै
लोकप्रिय
