पोखरा – पोखराको पुम्दीभुम्दीमा ट्याक्सी दुर्घटना हुँदा एक जनाको मृत्यु भएको छ । ग्यारेजमा धुन दिएको ट्याक्सी आज विहान साढे ६ बजे लिन जाँदा ट्याक्सी नभेटिए पछि ट्याक्सी धनीले प्रहरीलाई खबर गरेका थिए ।
ग्यारेजका मालिक समेत बेखबर रहेको सो घटनाको बारेमा ट्याक्सी दुर्घटना पछि मात्रै हराएको ट्याक्सी दुर्घटना भएको सत्य बाहिर आएको हो ।
आइतबार ट्याक्सी धुन भनेर ट्याक्सी चालक राजु थापाले ग्यारेजमा ट्याक्सी छोडेका थिए । सोमबार बिहान जाँदा ट्याक्सी ग्यारेजमा थिएन । अनुसन्धानको क्रममा सोमबार राति दुर्घटना भएको ट्याक्सी सोही ट्याक्सी भएको प्रहरीको अनुसन्धानमा खुल्न आएको छ ।
दुर्घटनामा अन्दाजी २४ वर्षका सुमन पौडेल (सुवास)को मृत्यु भएको प्रहरीले जनाएको छ । ग १ ज ५४३ नम्बरको ट्याक्सी पोखरा २२ पुम्दीभुम्दी स्थित फलेंटेको मोडमा दुर्घटना भएको हो । ट्याक्सी सडकबाट ५ सय मिटर तल खसेको थियो ।
मृतक पौडेलको घर कास्कीको कृस्तिमा रहेको बुझिन आएको छ । उनले ग्यारेजमा धुन राखेको ट्याक्सी किन राति लगियो भन्नेबारेमा अनुसन्धान भइरहेको प्रहरीले जनाएको छ ।
वडा प्रहरी कार्यालय बैदामका प्रमुख नविन कार्कीले त्यस बारेमा ट्याक्सी धनी जिरो किलोमिटरका प्रेम बहादुर गुरुङलाई बोलाएर थप अनुसन्धान गरिरहेको बताए ।
भर्खरै
लोकप्रिय
