जनकपुरमा यसरी दिइयो उदाउँदो सूर्यलाई अर्घ्य

छठ पर्वको अन्तिम दिन बुधबार उदाउँदो सूर्यलाई पूजा आराधना गरी अर्घ्य दिइएको छ । छठ पर्वको विशेष उल्लास रहने जनकपुरधाममा बिहानै व्रतालुको घुईँचो देखियो ।

जनकपुरको गंगा सागरमा बिहानै उदाउँदो सूर्यलाई विधिपूर्वक अर्घ्य दिइयो । व्रतहरुको कठोर व्रत छठको व्रत यहाँका महिलाले उदाउँदो सूर्यलाई अर्घ्य दिएसँगै समापन भएको छ ।

कात्तिक शुक्ल चतुर्थीदेखि सप्तमीसम्म मनाइने यो पर्वमा सूर्यदेवको आराधना, उपासना र पूजा गरिन्छ । आइतबारदेखि सुरु भएको छठ पर्व बुधबार बिहान उदाउँदो सूर्यलाई अर्घ्य दिएसँगै समापन भएको छ ।

जनकपुरमा बिहान उदाउँदो सूर्यलाई अर्घ्य दिइएको क्षणलाई देश सञ्चारका दीपा दाहाल र प्रतिभा झाले तस्बिरमा समेटेका छन् ।

यो पनि पढ्नुहोस्

उदाउँदो सूर्यलाई यसरी चढाइयो अर्घ्य