काठमाडौं – अख्तियार दुरुपयोग अनुसन्धान आयोगले नक्कली लालपुर्जा बनाएर अर्कोको जग्गा बेच्ने मालमोत कार्यालय चाबहिका ६ जना कर्मचारीसहित १६ जनाविरुद्ध मुद्दा दर्ता गरेको छ ।
आयोगले सोमबार विशेष अदालतमा भ्रष्टाचार जन्य कसुर गरेको अभियोगमा कुल एक अर्ब बिगो दाबी गर्दै मुद्दा दर्ता गरेको हो ।
आयोगले अनुसन्धानबाट चन्दनकृष्ण कायस्थको नाममा बुढानिलकण्ठ नगरपालिका, साविक विष्णु गाविस वडा–७ ग कित्ता नंं. ३२३, ३२५ र ३२९ को दुई रोपनी आठ आना जग्गा पुर्जा र श्रेष्तामा सच्याए बिक्रि गरेको तथ्य फेला परेको दाबी गरेको छ ।
आयोगले तत्कालीन मालपोत अधिकृत कमलप्रसाद तिल्मिसिनालाई सरकारी कागजागतको संक्षण गर्न नसकेको भन्दै भ्रष्टाचार निवारण ऐन २०५९ बमोजितम तीन महिनादेखि एक वर्षसम्म कैद र दश हजार रुपैयाँदेखि पचास हजार रुपैयाँसम्म जरिबाना गर्न माग दाबी गरेको छ ।
त्यस्तै मालमोत अधिकृतहरु खगेन्द्रप्रसाद अर्याल, रामप्रसाद सुवेदीलाई अख्तियारले सरकारी कागजातमा अनाधिकार रुपमा सच्याएको भन्द तीन महिनादेखि दुई वर्षसम्म कैद र पचास हजार रुपैयाँसम्म जरिबाना माग गरेको छ ।
नासु रञ्जनकुमार खरेल, टाइपिष्ट जमुना कुमारी श्रेष्ठ, कार्यालय सहयोगी हरि खड्काविरुद्ध पनि अख्यितारले मुद्दा दर्ता गरेको छ ।
त्यस्तै आयोगले राजु थापा मगर, सानेभाइ श्रेष्ठ, श्रीकृष्ण बरुवाल, भुपाल सिंह तामाङ, धु्रवप्रसाद भट्टराई, श्रीकृष्ण देवकोटा, प्रदीप गौतमबाट जनही ६/६ करोड बिगो भराउन माग दाबी गरेको छ ।
आयोगले अर्थ क्वज तथा बचत ऋण लिमिटेड सुन्धाराका नवदुर्गाप्रसाद ढुंगेल, सुरेश कुमार थापा र सनिश सापकोटाबाट पनि ६/६ करोड बिगो भराउन माग गरेको छ ।
यस्तो छ बिगो दाबीको सूची
भर्खरै
लोकप्रिय
