अ
+
अ
अ
-
बिर्तामोड – झापाको मेचीनगर नगरपालिकाको न्यायिक समिति बैठकमा मंगलबार कुटाकुट भएको छ। मेचीनगर ६ तल्लो भानु टोलका तोयानाथ चेपाङ र अरुणोदय माविबीचको जग्गा विवादको छलफलमा कुटाकुट भएको हो।
चेपाङको पक्षमा छलफलमा सहभागी नयाँ शक्ति पार्टी झापा अध्यक्ष वीरबहादुर श्रेष्ठलाई नेकपाका युवा नेता सुमन थापाले कुटेका हुन्।
नगरपालिकाको मुख्य गेटमा रहेका श्रेष्ठलाई थापाले हेल्मेट प्रहार गरेपछि स्थिति तनावपूर्ण बनेको थियो। घटनालगत्तै प्रहरी टोली घटनास्थल पुगेको थियो। ‘एक्कासी टाउकोमा हेल्मेट प्रहार भयो’ श्रेष्ठले भने, ‘छक्क परेँ।’
श्रेष्ठलाई हेल्मेटले प्रहार गर्ने थापाविरुद्ध जाहेरी परेको इलाका प्रहरी कार्यालय काँकरभिट्टाले जनाएको छ। इप्रका काँकरभिट्टाका अनुसार उक्त मुद्दामा बुधबार छलफल हुनेछ।
भर्खरै
लोकप्रिय
