संसदीय समितिले पारित गर्‍यो चिकित्सा शिक्षा विधेयक, डा. गोविन्द केसीसँगको सम्झौता उल्लंघन

काठमाडौँ – संसदको शिक्षा तथा स्वास्थ्य समितिले चिकित्सा शिक्षा विधेयक पारित गरेको छ । कांग्रेसको असहमतिका बाबजुद बुधबारको समितिको बैठकले विधेयक पारित गरेको हो ।

विधेयक पारित भएसँगै डा. गोविन्द केसीसँग सरकारले गरेको सम्झौताको उल्लंघन भएको छ । नयाँ विधेयक अनुसार उपत्यका बाहिर मिडिकल कलेज खुल्न पाउनेछन् ।

सरकारले आफूसँग गरेको सम्झौता उल्लंघन गरे अनशन बस्ने भन्दै डा. केसी इलाम पुगेका छन् । उनले १६ औँ पटकको अनशन सुरु गर्ने तयारी गरेका छन् ।