विर्तामोड- चिकित्सा शिक्षाको सुधारको माग गर्दै इलामको फूलगाछीमा सत्याग्रहमा बसेका वरिष्ठ चिकित्सक डा.गोविन्द केसीको समर्थनमा बिहीबार इलामका महिला सडकमा निस्किएका छन्। उनीहरुलाई इलाममा र्याली निकालेका छन्।
‘डा. केसी एक्ला छैनौ, हामी तिम्रो साथ छौं, मार्सी धानको भातसंग ऐन साट्न पाइँदैन’ लगायत नारा लेखिएका प्लेकार्ड बोकेर इलामका महिला सडकमा निस्किएका हुन्।इलाम नगरपालिका वडा नं ७ फूलगाछीस्थित एउटा निजी घरमा उनले बुधबार ४. ३० बजेबाट १६औं सत्याग्रह शुरु गरेका हुन्।
सहरी विकास तथा भवन निर्माण विभाग डिभिजन कार्यालय इलामको पुरानो कार्यालय रहेको व्यक्तिको निजी घरमा केसीले आफ्ना केही समर्थकको उपस्थितिमा अनशन सुरु गरेका हुन्।
अनशन सुरु गर्दै केसीले आफूसँग भएको सहमति अनुसार विधेयक पारित नभएसम्म लडाइ जारी राख्ने बताएका छन्। केसीले संसदीय समितिले विधेयक पारितपछि संसदको पूर्ण बैठकले सहमतिअनुसार विधेयक परिमार्जन गर्नुपर्ने उनको माग छ।
संसदको शिक्षा तथा स्वास्थ्य समितिले आफूसँग भएको सहमतिभन्दा बाहिर गएर राष्ट्रिय चिकित्सा शिक्षा विधेयकलाई पारित गरेको भन्दै केसीले अनशन सुरु गरेका हुन्।
भर्खरै
लोकप्रिय
