वीरगञ्ज- प्रदेश नम्बर-२ को आठ जिल्लाबाट पक्राउ र बरामद गरिएका ३ सय ५३ वटा मोटरसाईकल ट्राफिक प्रहरीले शुक्रबार सार्वजनिक गरेको छ।
२ नम्बर प्रदेश ट्राफिक प्रहरी कार्यालय पथलैयाले पत्रकार सम्मेलन गरी पछिल्लो ३ वर्षमा पर्सा बाराबाट ६१ वटा मोटरसाईकलसहित प्रदेशको ८ वटै जिल्लाहरुबाट ३ सय ५३ वटा मोटरसाईकल पक्राउ तथा बरामद गरिएको जानकारी गराएको हो।
ट्राफिक प्रहरीले बिभिन्न समयमा चेकजाँच गर्ने क्रममा सो परिमाणको मोटरसाईकल पक्राउ गरेको पत्रकार सम्मेलनमा २ नम्बर प्रदेश ट्राफिक प्रहरी कार्यालय पथलैयाकी प्रहरी उपरीक्षक किरण बज्राचार्यले जानकारी दिए।
चेकजाँचको क्रममा कागजात नभएको, बेवारिसे अवस्थामा फेला परेको र दुर्घटनामा परी नियन्त्रणमा रहेको मोटरसाईकल पत्रकार सम्मेलनमा सार्वजनिक गरिएको थियो।
लामो समयसम्म ती मोटरसाईकलका धनीहरु सवारी लिन सम्पर्कमा नआएकोले अन्तत पत्रकार सम्मेलनको आयोजना गरी सार्बजनिक गरिएको बज्राचार्यले जानकारी दिए।
सार्वजनिक गरिएपछि मोटरसाइकलका धनीहरु सम्पर्कमा आउन सक्ने तथा उनीहरुले आफनो सवारी लैजान सक्ने भएकाले पत्रकार सम्मेलन गरि सार्बजनिक गरिएको २ नम्बर प्रदेश ट्राफिक प्रहरी कार्यालय पथलैयाले जनाएको छ।
सार्बजनिक गरिएका सवारी साधनलाई ३५ दिनभित्र कार्यालयमा सम्पर्क गरेर कागजपध देखाएर प्रक्रिया पुर्याई सवारी लग्न सकिने प्रहरी उपरीक्षक बज्राचार्यको भनाई छ।३५ दिन भित्र पनि समबन्धित मोटरसाईकल धनीहरु सम्पर्कमा नआई मोटरसाइकल नलगे अन्य प्रक्रिया अपनाईने बज्राचार्यको भनाई थियो।
भर्खरै
लोकप्रिय
