वीरगञ्ज– प्रहरीले दुई वटा मोटरसाईकलसहित तीन क्विन्टल अवैध केराउ बरामद गरेको छ।
पर्सा प्रहरीले वीरगञ्ज महानगरपालिका वडा नम्वर १७ अलौमा भारतबाट भन्सार छलेर ल्याउदै गरेको १० वटा बोरामा रहेको उक्त परिमाणको अवैध केराउ बरामद गरेको हो।
जिल्ला प्रहरी कार्यालय पर्साबाट खटिएको प्रहरीको टोलीले ना ५ प ३४६५ र बि आर २२ जे १२४३ नम्बरको भारतीय माटरसाईकलमा लोड गरी ल्याउदै गरेको अवस्थामा केराउ बरामद गरेको हो।
यसैगरी प्रहरीले भन्सार छलेर ल्याउदै गरेको अवैध समान बरामद गरेको छ। प्रहरीले वीरगञ्ज महानगरपालिका ३ शिक्षा कार्यालय अगाडिबाट गाडीको बैरीङ ३४ पिस, फलामको हथौडा४५ पिस, फलामको स्केल ९ प्याकेट, बेल्ट ६ दर्जन, चपरा २ झोला, पल्सर औजार ७ पिस बरामद गरेको छ।
यस्तै पर्साको जिराभवानी गाउपालिका वडा नम्बर १ बाट २ वटा साईकलमा लोड गरी ल्याउदै गरेको ३० थान ब्लयाङकेट पनि बरामद गरेको छ। बरामद गरिएको मोटरसाईकसहित केराउ र सामानहरुलाई आवश्यक कारवाहीको लागि वीरगञ्ज भन्सार कार्यालयमा बुझाइएको जिल्ला प्रहरी कार्यालय पर्साले जनाएको छ।
भर्खरै
लोकप्रिय
