वीरगञ्ज – मोतिहारी अमलेखगञ्ज पेट्रोलियम पाइपलाइन निर्माणको काम अन्तिम चरणमा पुगेको छ । मोतिहारी अमलेखगञ्ज पेट्रोलियम पाइपलाइन अन्तर्गता नेपालतर्फको पाइप बिछ्याउने काम ८० प्रतिशत सकिएको परियोजनाको कार्यालयले जनाएको छ ।
नेपालतर्फ रहेको ३७ दशमलव २५ किमी अन्तर्गत बाराको पथलैयादेखि वीरगञ्ज भन्सारसम्मको काम अन्तिम चरणमा रहेको छ । कुल ७० किलोमिटर लम्बाइको उक्त सो परियोजना अन्तर्गत भारततर्फ मोतिहारीदेखि रक्सौलसम्म ३२ दशमलव २५ किलोमिटर क्षेत्रफमा रहेको छ । सो क्षेत्रफलमा २३ किलोमिटर सम्म पाइप ओछ्याउने कार्य लगभग सम्पन्न भएको र बाँकी पथलैया अमलेखगञ्जबिच पर्ने जँगलमा ९ किलोमिटरसम्म रुख कटान गरि पाइप ओछयाउन बाँकी रहेको छ ।
परियोजना अन्तर्गत भारततर्फको मोतिहारीदेखि रक्सौलसम्म ३२ दशमलव २५ किलोमिटरसम्म पाइप गाडने काम यसअघि नै भारत सरकारले सम्पन्न गरि सकेको छ । नेपालतर्फ मात्र पाइप बिछ्यान बाँकी रहेकोमा हाल आएर नेपाल तर्फको भू–भागमा ८० प्रतिशत काम सम्पन्न भइसकेको परियोजनाको कार्यालय सिमराले जनाएको छ । परियोजना अन्तर्गत वीरगञ्जको केडिया आँखा अस्पताल नजिकै रहेको दिल्ली पब्लिक स्कूलसम्म अहिले पाइप गाडने काम तीव्र्र गतिमा भइरहेको छ ।
उक्त ठाउँमा गण्डक चोकदेखि ३ सय मिटर भुभागमा पाईप गाडन बाँकी रहेकोमा अहिले त्यहा पाईप गाडने काम भइरहेको परियोजनाको कार्यालय सिमराले जनाएको छ । परियोजना अन्तर्गत पर्सा राष्ट्रिय निकुञ्ज भित्र पर्ने ९ किलोमिटर भागको रुखहरु कटान गर्नुपर्ने छ । अहिले परियोजना अन्तर्गत लगभग अरु ठाउँको काम धमाधम भइरहेको तथा प्रक्रिया पूरा गरेर निकुञ्जभित्रको पनि रुख काटेर पाइप ओछ्याइने छ ।
बाराको जितपुर तथा परवानीपुरको केही भू–भागको जग्गाहरुमा मुआब्जा बिबाद रहेका कारण उक्त ठाउहरुमा भने जमिनमुनि दुलो पारेर ड्रिलिङ प्रविधिबाट आठदेखि १६ मिटरसम्म पाइप गाडिएको छ । १८ महिनाको समय अवधि तोकिएको परियोजनाको म्याद २०१९ जुनसम्म रहेको छ ।
तीव्र गतिमा काम भईरहेकोले म्याद सकिनु अगावै परियोजनाले पूर्णता पाउने तथा आउदो वैशाखसम्ममा नै पाइप लाइनमार्फत पेट्रोलियम पदार्थ आउने परियोजना कार्यालयले विश्वास लिएको छ । पाइप लाइन निर्माण सम्पन्न भएपछि खपतको ६० प्रतिशत पेट्रोलियम पदार्थ सोही पाइप लाइन भएर आउनेछ । यसले वीरगञ्ज भन्सारमा लाग्ने जाम पनि कम हुने विश्वास गरिएको छ ।
यसैबिच गएको माघ ३ गतेको मन्त्रीपरिषद बैठकले निर्णय गरी मोतिहारी–अमलेखगञ्ज पेट्रोलियम पाइपलाइन परियोजनाको लागि ६ हजार ५ सय ६३ वटा रुख काटनको लागि स्वीकृति प्रदान गरेको छ ।
परियोजनाको पाइप लाइन ओछ्याउनको लागि पर्सा राष्ट्रिय निकुञ्ज क्षेत्र भित्र पर्र्ने निकुञ्ज कोर क्षेत्रका ३ हजार २ सय ७३, मध्यवर्ती वन क्षेत्रका १ हजार १ सय १६ र मध्यवर्ती सामुदायिक वन क्षेत्रका २ हजार १ सय ७४ रुख काटिने भएको छ ।
रुख कटान हुन नसक्दा पथलैयादेखि अमलेखगञ्जसम्म झण्डै ९ किलोमिटर क्षेत्रमा पाइपलाइन बिछ्याउने काम सुरु हुन सकेको छैन । टिम्बर कर्पोरेशन अफ नेपाल को शाखा कार्यालय पथलैयाले गएको माघ ८ गते रुखहरुबाट काठ दाउरा कटान, मुछान, ढुवानी गर्नका लागि बोलपत्र आह्वानसमेत आव्हान गरिसकेको पर्सा राष्ट्रिय निकुञ्जको कार्यालय आधारभारले जनाएको छ ।
गत वर्षको चैतमा प्रधानमन्त्री केपी शर्मा ओलीको भारत भ्रमणमा गएको बेला भारतीय प्रधानमन्त्री नरेन्द्र मोदी र प्रधानमन्त्री ओलीले नयाँ दिल्लीको हैदराबाद हाउसबाट पाईप लाइन परियोजनाको संयुक्तरुपमा शिलान्यास गरेका थिए ।
भर्खरै
लोकप्रिय
