काठमाडौं- नक्कली नागरिकता र जग्गा धनीपुर्जा बनाएर अर्काको जग्गा बेच्न खोज्ने दुई जना पक्राउ परेका छन्।
बारा प्रहरीले नक्कली नागरिकता र जग्गा धनीपुर्जा बनाएर अर्कैको जग्गा बेच्न खोज्ने कलैया उप महानगरपालिका-२३ बस्ने ३२ बर्षीय अमित मेहता र पर्साको बिरगञ्ज महानगरपालिका वडा नं. १२ बस्ने ४९ बर्षीय रघुनाथ प्रसाद साहलाई पक्राउ गरेको हो।
उनीहरु दुबैजनाले जितपुरसिमरा उप महानगरपालिकामा रहेको सिमरा मालपोत कार्यालयमा अर्कैको जग्ग नक्कली कागज बनाई बेच्न खोज्ने क्रममा प्रहरीले पक्राउ गरेको हो।
पक्राउ परेका दुबैजनाले बिरगंज महानगरपालिका वडा नं.६ का रवि क्यालको नाममा जितपुर सिमरा उप महानगरपालिका वडा नं.२० मा रहेको किता.नं.६२८ को जग्गा बेच्न खोजेका थिए।
उनीहरु दुबैजनालाई बिशेष सुचनाको आधारमा खटिएको प्रहरी टोलीले पक्राउ गरेको हो।पक्राउ परेका उनीहरुको साथबाट प्रहरीले सरकारी कार्यालयको छापहरु किर्ते गरि बनाइएका नागरिकता, जग्गा धनी दर्ता प्रमाण पुर्जा बरामद गरेको छ।
बरामद गरिएका कागजातहरु मध्ये किर्ते गरि बनाइएका १ थान जग्गा धनी पुर्जा, नागरिकता, सही छाप भएको २ पाना रजिष्टेशन फारम समेत बरामद भएको छ।
भर्खरै
लोकप्रिय
