सुर्खेत-छोरीलाई विष खुवाएर हत्या गर्ने एक महिलालाई अदालतले फैसला सुनाएको छ।
जिल्ला अदालत दैलेखले आइतबार आफ्नै छोरीलाई विष खुवाउने आमालाई २० वर्ष जन्मकैदको फैसला सुनाएको हो।
दैलेखको महाबु गाउँपालिका–४ काँसिकांधकी २९ वर्षीया शर्मिला बुढाले ९ वर्षीया छोरी भावना बुढाको हत्या संलग्न रहेको प्रमाणित अदालतले गरेको छ।
जिल्ला न्यायाधीश सनतचन्द्र लवटको एकल इजलासले जन्मकैदको सजाय सुनाएको हो।गत असार ९ गते सर्मिलाले चाउमिनमा बिष हालेर विहानको खाजा खुवाएपछि छोरी भावनाको मृत्यु भएको थियो।
शर्मिलाले चाउँमनिमा छोराछोरीलाई नै विष हालेर खुवाएकी थिइन्।जिल्ला अदालतका दैलेखका प्रवक्ता विनोद आचार्यका अनुसार छोरीको मृत्यु भएको थियो भने छोरालाई उपचार पछि बाँचेका छन्।
मुलुकी ऐनको ज्यानसम्वन्धि महल १३ (२) अनुसार अदालतले मुद्दाको फैसला गरेको हो।
विष खुवाएर कर्तव्य ज्यान तथा ज्यान मारेको उद्योगमा सर्मिलाको विरुद्धमा अदालतमा मुद्दा दर्ता भएको थियो।
आरोपित सर्मिलालाई अदालतले दोषी ठहर गरेको उनले जानकारी दिए।
भर्खरै
लोकप्रिय
