वीरगञ्ज– सामुहिक रुपमा बिष खाएका तीन जना मध्ये एक जनाको ज्यान गएको छ। दुई जना घाइते भएका छन्। पर्साको जिराभवानी गाउँपालिका ४ सढी टोलका राजु थारुकी १७ बर्षीय छोरी सँगिता चौधरीको ज्यान गएको हो ।
सँगै विष खाएका अर्की १३ बर्षीय युवती र सोही गाउपालिका २ सेढवाका सञ्जय दास थारु घाईते भएका छन्।उनीहरुलाई उपचारको लागि भारत बिहार इनर्वामा क्लिनिकमा भर्ना गरिएको थियो।
संगीताको पनि यही क्लिनिकमा उपचारका क्रममा ज्यान गएको हो।
यसरी भएको थियो घटना
आइतबार राति ५ जना युवकहरु मेटरसाइकल लिएर २ जना युवतीहरुलाई भगाउनको लागि सढी टोलमा आएका थिए। टोलमा आएका उनीहरुले मोटरसाइकलमा राखेर युवती भगाउन खोज्दा स्थानीयबासीहरुले ४ जना युवकलाई समातेर इलाका प्रहरी कार्यालय पटेर्वा सुगौलीको जिम्मा लगाएका थिए।
तर, मोटरसाइकलमै आएका युवक सञ्जयले भने संगीतासहित अर्की युवतीलाई भगाएर गाउँबाट भारततर्फ लगेका थिए। उनीहरु सोमबार राति नै अबेर भारतबाट गाउँमा फर्किएपछि युवकको घरमा बसेका थिए। सोमबार बिहान गाउँमै पञ्चायत गर्नेक्रममा ती युवक र युवतीले बान्ता गर्न थालेपछि उनीहरुले बिष खाएको हुनसक्ने आशंका गरिएको थियो।
लगतै भारतको बिहार इनर्वामा डा.अनिल कुमारको क्लिनिकमा उपचारको लागि लगिएकोमा एक युवतीलाई डाक्टरले मृत घोषणा गरेका थिए। मृतक युवतीको शवलाई पोष्टमार्टमको लागि नारायणी उपक्षेत्रिय अस्पताल वीरगञ्जमा राखिएको छ। घटनाको थप खनुसन्धान भइरहेको जिल्ला प्रहरी कार्यालय पर्साले जनाएको छ।
भर्खरै
लोकप्रिय
