सुर्खेत– दायाँ आँखामा कमजोरी देखिन थालेदेखि अस्पताल धाउँदै महिनौँ बित्यो । सुर्खेत, नेपालगञ्जमा रोग पत्ता लागेन । सरकारी अस्पतालदेखि निजी अस्पताल धाउँदै आफूसँग भएको पैशा सकियो ।
छिमेकी र आफन्तसँग मागेको ऋणसँगै स्वास्थ्य अवस्थाको पीरलो बोकेर काठमाडौँ पुगे वीरेन्द्रनगर–१५ रतुका लालबहादुर खत्री । आँखाको समस्या समाधान होला भनेर हिँडेका उनी टाउँकोमा रहेको पिट्यूटरी ग्रन्थीमा ट्यूमर भएको रिपोर्ट पाएपछि छाँगाबाट खसे जस्तै भए ।
‘आफूसँग पैशा रोग पत्ता लगाउँदैमा सकियो, ऋणले धुरी घेरीसक्यो’ उनले बिलौना गर्दै भने,‘आफन्त र इष्टमित्रबाट पनि सहयोग पाउन सक्ने अवस्था छैन्, पैशा नहुँदा रोगले ज्यान खाने भयो । बुढेशकालमा परीवारसँग बाँच्ने धोका पुरा हुँदैन कि चिन्ता लाग्छ ।’
३५ वर्षका उनको ६ जनाको परिवार छ । खेती किसानी गर्ने उनको परीवारमा तीन महिना पनि खाना पुग्दैन् । परिवार पाल्न खेतीकिसानीबाहेक ज्यालादारी गर्ने लालबहादुर नै बिरामी परेका छन् ।
‘डाक्टरले एक हप्ताका लागि समय दिएका छन्, समयमा अस्पताल भर्ना हुन सकेको छैन्’ उनले भने,‘तीन लाख रुपैयाँ उपचार खर्च जुटाउन सक्ने अवस्था छैन् । भएको सम्पत्ति घर हो । परिवारको बिचल्लीमा पारेर घर पनि कसरी बेच्ने ?, गाउँको घर भनेकै बेला, खोजेकै मूल्यमा कसले खाइदिन्छ र ?’
परिवारमा कमाइ गर्ने लालबहादुरबाहेक अर्काे छैन् । बुबाआमा बुढा छन् भने, छोरा छोरी सानै छन् । श्रीमतीलाई घरव्यवहार सम्हाल्नै हम्मे पर्छ । आर्थिक अवस्था कमजोर भएपछि ट्यूमर रोगले ग्रसित उनले जीवन रक्षाका लागि अपिल गरेका छन् ।
काठमाडौँस्थित शिक्षण अस्पतालमा अप्रेसन गरेर नयाँ जीवन माग्दै लालबहादुरले हात फिजाएका छन् । परिवार स्रोतका अनुसार लालबहादुरलाई सहयोग गर्न चाहने सहयोगी मनहरुले गरिमा विकास बैंक वीरेन्द्रनगर, सुर्खेत शाखामा रहेको खाता नम्बर ०७२०१९००७५२१५९०००००१ मा सहयोग गर्न सकिने छ ।
भर्खरै
लोकप्रिय
