चन्द्रगढी–राष्ट्रिय प्रजातन्त्र पार्टीले झापाको सदरमुकाम चन्द्रगढीमा धर्म निरपेक्षताको ब्यानर जलाएको छ। चन्द्रगढीको विरेन्द्र माध्यमिक विद्यालय अगाडि भेला भएका राप्रपाका नेता तथा कार्यकर्ताले धर्म निरपेक्षताको ब्यानर जलाएका हुन्।
पार्टीका महामन्त्री राजेन्द्र लिङदेनको नेतृत्वमा निस्केको जुलुसले चन्द्रगढीमा धर्म निरपेक्षताको ब्यानर जलाएको हो। कार्यक्रममा महामन्त्री लिङदेनले संवैधानिक राजतन्त्र र हिन्दु राष्ट्र नेपालको पहिचान भएकाले धर्म निरपेक्षताको ब्यानर जलाएर सांकेतिक विरोध गरेको बताए। उनले भने, ‘धर्म निरपेक्षताको कुरा जनआन्दोलनमा पनि ननिस्केको तर विदेशीको इशारामा नेपाल धर्म निरपेक्षता लादिएको हो।’
राजतन्त्रको पुनर्बहाली र धर्म निरपेक्षताको खारेजी लगायत २२ बुँदे माग राख्दै राप्रपाले यसअघि प्रधानमन्त्री केपी शर्मा ओलीलाई ज्ञापन पत्र बुझाएको थियो। त्यसपछि उक्त पार्टी लगातार सडक संघर्षमा छ।
भर्खरै
लोकप्रिय
