
झापा– झापाको भद्रपुर जोड्न मेची नदीमा बनेको नयाँ पुलसम्म भारततर्फ बनाइएको सडक बाढीले बगाउँदा नेपाल भारत गर्ने सर्वसाधारणको विजोग भएको छ।
अविरल वर्षासँगै मेची नदीमा आएको बाढीले मेची पुल जोड्ने ग्राभेल सडक बगाउँदा सर्वसाधारणलाई आवतजावतमा समस्या उत्पन्न भएको हो। मेचीको बाढीले भारतीय सीमा सुरक्षा बल एसएसबीले दशगजा नजिकै राखेको अस्थायी पोस्ट समेत डुबाएको छ।
पानीले ग्राभेल सडकको गिटी तथा बालुवा बगाउँदा सडक धेरै ठाउँमा भत्किएको छ।अहिले उक्त सडकबाट वारपार गर्न समस्या भएको जिल्ला प्रहरी कार्यालय झापाले जनाएको छ।