अ
+
अ
अ
-
झापा– विभिन्न मुलुकबाट झापा आएका मानिसहरु नेपाल प्रहरीको निगरानीमा रहेका छन्। गत फागुन १६ गतेदेखि चैत १२ गतेसम्ममा २ सय २६ जना झापा आएको जिल्ला प्रहरी कार्यालय झापाले जनाएको छ।
तीमध्ये एकजनालाई आइसोलेसनमा र अन्यलाई सेल्फ तथा होम क्वारेन्टाइनमा राखिएको जिल्ला प्रहरी कार्यालय झापाका प्रवक्ता प्रहरी नायव उपरीक्षक महेन्द्र श्रेष्ठले बताए।
उनले भने, ‘विगत एक महिनायता झापाका आएकाहरुको लगत राखेर निगरानीमा राखेका छौं।’
अहिलेसम्म कोरोना भाइरसबाट संक्रमण विदेशबाट आएकाहरुमै देखिएका हुनाले प्रहरी तथा स्थानीय तहले उनीहरुकाे खोजी तीब्र पारेका छन्।
विभिन्न सामाजिक सञ्जालहरुमार्फत प्रहरी तथा स्थानीय तहका पदाधिकारीले विदेशबाट आएकाहरुलाई सम्पर्कमा आउन आग्रह गरिरहेका छन्।
भर्खरै
लोकप्रिय
