अ
+
अ
अ
-
झापा- झापाको दमक नगरपालिकाले कोरोना संक्रमित पुरुषको सम्पर्कमा आएका पहिलो घेराका करिब २५ जनाको स्वाब नमूना आइतबारदेखि संकलन गर्ने भएको छ।
शुक्रबार दमक ३ का एक जना पुरुषमा कोरोना भाइरस कोभिड-१९ बाट संक्रमण देखिएपछि शनिवार उनको सम्पर्कमा आएका पहिला घेराका व्यक्तिहरुको पहिचान गरिएको दमक नगरपालिकाका प्रमुख प्रशासकीय अधिकृत गणेश तिम्सिनाले बताए।
उनले भने, ‘चार वटा टोली बनाएर स्वाब संकलनको काम गर्ने तयारी छ।’
कोरोना भाइरस नियन्त्रण तथा रोकथामका लागि गठित नगर समन्वय समितिको शनिबार बसेको बैठकले दमक अस्पतालका प्रमुख डा.खड्कलाल लिम्बुको संयोजकत्वमा ४ वटा छुट्टाछुट्टै टोली परिचालन गर्ने निर्णय गरेको हो।
स्वाब नमूना परीक्षणको नतिजा नआएसम्म उक्त वडा पूर्णरुपमा सिल रहने प्रमुख प्रशासकीय अधिकृत तिम्सिनाले बताए।
भर्खरै
लोकप्रिय
