काठमाडौँ – पार्टीभित्र उत्पन्न मतभेद मत्थर पार्ने प्रयासस्वरुप नेकपाका अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच वार्ता जारी छ।
मगंलबार बालुवाटारमा करिव एक घण्टादेखि ओली र प्रचण्डबीच वार्ता चलिरेहको हो। नेकपा स्रोतका अनुसार उनीहरुबीच आजै सहमति हुने सम्भावना भने कम छ, सचिवालय बैठकको मिति भने तय गर्न सक्छन्।
वैशाख ८ गते गरेको दलविभाजन र संवैधानिक परिषद् सम्बन्धी कानुन अध्यादेशमार्फत संशोधन गर्ने निर्णय वैशाख १२ गतेनै फिर्ता लिएपनि ओलीप्रति अविश्वास नघटेपछि उनीविरुद्ध प्रचण्डसहित नेकपा सचिवालयकै ६ जना उभिएका छन्।
पार्टीको स्थायी कमिटीका अधिकांश सदस्यहरु पनि ओलीले सरकार सञ्चालन गर्न नसक्ने निष्कर्ष निकाल्दै उनले राजीनामा दिनुपर्ने अडानमा छन्।
उनीहरुको अडानबारे जानकारी पाएपछि ओलीले उनीहरुको माग अनुसार सचिवालयसँगै स्थायी कमिटी बैठक बोलाउन आनाकानी गरिरहेका छन्।
यो पनि पढ्नुहोस्
भर्खरै
लोकप्रिय
