गल्ती कस्को? कार कि मोटरसाइकल? (एक्सक्लुसिभ भिडियोसहित)

काठमाडौँ – काठमाडौँको रविभवनमा शुक्रबार बिहान  एउटा भयानक दुर्घटना भयो। निजी कार र मोटरसाइकल ठोक्किँदा एक जनाको ज्यान गयो। ज्यान गुमाउनेमा बा ७२ प ८१७२ नम्बरको मोटरसाइकलका चालक २३ वर्षीय टिकाराज गेलाल रहेका छन्।

कार सेनाका कर्णेल शिखर जबराले हाँकिरहेका थिए। देश सञ्चारलाई प्राप्त सिसिटिभी फुटेजअनुसार दुर्घटना बिहान सात बजेर सात मिनेट ५३ सेकेण्डमा भएको देखिन्छ। मोटरसाइकलका चालक गेलाललाई तत्काल हस्पताल पुर्‍याइएपनि चिकित्सकले मृत घोषणा गरेका थिए।

कारका चालक ३९ वर्षीय शिखर यतिबेला प्रहरी नियन्त्रणमा छन्। उनीमाथी सवारी ज्यान मुद्धा चलाउने प्रहरीको तयारी छ। तर सिसिटिभी फुटेजमा कारको कुनै गल्ति देखिँदैन। तेजमा आएको मोटरसाइकलले टर्निङमा आफ्नो लेन बिर्सँदा विपरित दिशाबाट आएको कारसँग ठोक्किएको देखिन्छ।

बरु,  गल्लीबाट निस्किएको एउटा मोटरसाइकलको गल्तीका कारण गेलाल आँत्तिएर अर्को लेनमा पुगेको देखिन्छ। गल्लीबाट निस्किएको मोटरसाइकल दायाँतर्फ मोडिएपछि अगाडि आइरहेका गेलालले टर्निङमा आफ्नै लेनमा मोटरसाइकललाई मोड्न सकेको देखिँदैन।

यो पनि पढ्नुहोस्

सेनाका कर्णेलले चलाएको कार दुर्घटना हुँदा एकजनाको मृत्यु