झापा- काेराेना भाइरस संक्रमणकाे त्रासका बीच सीमामा हुने आवातजावत रोक्न खटिएका सशस्त्र प्रहरीमाथि गए राति पुनः आक्रमण भएकाे छ।
झापाकाे कचनकवल गाउँपालिका १ घेराबारीमा रहेकाे सशस्त्र प्रहरीकाे सुरक्षा पाेष्टमा भारतीय नागरिकले आक्रमण गरेका छन्।
शनिबार राति ५० जना भन्दा बढीको संख्यामा आएका भारतीय नागरिकले घेराबारीकाे झन्टुगाउँमा रहेकाे सशस्त्र प्रहरीकाे सुरक्षा पाेष्टमा आक्रमण गरेका हुन्।
कचनकवल १ का वडाध्यक्ष लक्ष्मी यादवले साँझ करिब ७ः३० काे समयमा विहारकाे सुरिभिट्टातर्फबाट उक्त आक्रमण भएकाे बताए।
झापाको कचनकवल र झापा गाउँपालिकामा भारतीय नागरिकले खेती गर्दै आएका छन्।
सीमा नाघेर नेपाल आउनुपर्ने भन्दै यस अघि पनि झापा गाउँपालिकाको सीमा क्षेत्रमा भारतीय नागरिकले सशस्त्र प्रहरीको पोस्टमा आक्रमण गरेका थिए।
त्यसबेला पनि सशस्त्र प्रहरीले दुई राउण्ड हवाई फायर गरेको थियो।
भर्खरै
लोकप्रिय
