अ
+
अ
अ
-
झापा- झापाको पूर्वी नाका काँकरभिट्टामा खटिएका १८ जना सशस्त्र प्रहरीसहित झापामा २५ जनामा कोरोना भाइरसको सङ्क्रमण पुष्टि भएको छ।
नाकामा खटिएका १७ जना पुरुष र एक जना महिला सशस्त्र प्रहरीमा कोरोना भाइरसको सङ्क्रमण देखिएको स्वास्थ्य कार्यालय झापाका फोकल पर्सन जीवन चौंलागाईंले बताए।
त्यसैगरि झापाका बाह्रदशी गाउँपालिकाका ३ जना पुरुषमा कोरोना भाइरसको सङ्क्रमण पुष्टि भएको उनले जानकारी दिए।
झापा गाउँपालिकाका पनि ३ जना पुरुषमा कोरोना भाइरसको सङ्क्रमण पुष्टि भएको छ। विर्तामोड नगरपालिकाका एकजना पुरुषमा सङ्क्रमण पुष्टि भएको छ।
विराटनगरस्थित कोशी अस्पतालको प्रयोगशालामा गरिएको पीसीआर परीक्षणमा ६ जना र प्रादेशिक जनस्वास्थ्य प्रयोगशालामा गरिएको परीक्षणमा १९ जनामा सङ्क्रमण देखिएको स्वास्थ्य मन्त्रालयले जनाएको छ।
भर्खरै
लोकप्रिय
