अ
+
अ
अ
-
झापा- झापाको विर्तामोड नगरपालिकाले नगरपालिका क्षेत्र भित्र अनिश्चितकालिन लकडाउन गर्ने निर्णय गरेको छ। आज राति १२ बजेदेखि लकडाउन गरिने नगरपालिका कार्यालयले जनाएको छ।
कोरोना भाइरसको सङ्क्रमण समुदायमा पुगेकाले थप सङ्क्रमण फैलिन नदिन लकडाउन गर्नु परेको नगर कार्यपालिकाकी सदस्य निता घतानीले जानकारी दिइन्।
उनका अनुसार खाद्यान्न तथा तरकारी पसल विहान ८ बजेदेखि ११ बजेसम्म खुल्नेछन्। औषधि पसल बाहेक अन्य पसलहरू बन्द रहने छन्। निजी तथा सार्वजनिक सवारी साधनमा रोक लगाइने नगरपालिका कार्यालयले जानकारी दिएको छ।
बैंक तथा वित्तीय संस्थाहरूले कारोबार गर्न नपाउने भएका छन् भने कर्मचारीले परिचय पत्र बोकेर हिँड्नुपर्ने घतानीले बताइन्।छिमेकी अर्जुनधारा नगरपालिकाले आइतबार बिहानदेखि पाँच दिनका लागि लकडाउन गरिसकेको छ।
भर्खरै
लोकप्रिय
