झापा- झापाका विर्तामोडका सुनचाँदी व्यवसायीका परिवारको दुईजना महिला सदस्यमा कोरोना भाइरसको संक्रमण देखिएको छ।
उक्त सुन चाँदी पसल रहेको रत्न सुपर मार्केट सिल गरिएको विर्तामोड नगरपालिका कार्यालयले जनाएको छ।
आइतबार पुष्टि भएका संक्रमित विर्तामोड नगरपालिका ५ का बासिन्दा हुन्।
समुदायमा कोरोना संक्रमण देखिएपछि कन्ट्याक्ट ट्रेसिङको काम शुरु भएको छ। नगरपालिकाले सुनचाँदी व्यवसायी, आसपासका अन्य व्यवसायी र जनसमुदायको पीसीआर परीक्षण गर्न लागिएको नगरप्रमुख ध्रुव शिवाकोटीले जानकारी दिए।
योसँगै बिर्तामोड नगरपालिकामा कोरोना संक्रमितको संख्या १८ पुगेको छ।
झापामा आइतबार १० जनामा कोरोना भाइरसको संक्रमण पुष्टि भएको छ। विर्तामोडका दुई जनासहित कमल गाउँपालिकाका ३ जना, झापा गाउँपालिकाका १ जना, गौरादह नगरपालिकाका २ जना तथा मेचीनगर नगरपालिकाका १ जनामा संक्रमण पुष्टि भएको स्वास्थ्य कार्यालय झापाले जनाएको छ।
भर्खरै
लोकप्रिय
