पर्सा-दुलहा र पुजारीसहित बाल विवाह गर्ने ६ जनालाई रौतहट प्रहरीले पक्राउ गरेको छ।
प्रहरीले बाल बिबाह गर्ने दुल्हा ईशनाथ नगरपालिका ३ औरैया टोल बस्ने फरक क्षमता (बहिरो) भएको २४ बर्षिय मुकेश गिरी उनका बुवा सागर गिरी,काका, रामश्रेष्ठ गिरीलाई पक्राउ गरेको हो।
यस्तै बाल बिबाह गराउने पुजारी कपिलदेव चौवे, माधवनारायण नगरपालिका ६ बस्ने ४५ बर्षिय लक्ष्मी गिरी र सर्लाही हरिपुर नगरपालिका २ हरिपुर बस्ने ३५ वर्षीय गिता गिरीलाई पनि प्रहरीले पक्राउ गरेको रौतहटका प्रहरी प्रबक्ता एवम प्रहरी नायब उपरिक्षक भरत श्रेष्ठले जानकारी दिए।
बाल बिबाह गराई रहेको सुचना प्राप्त हुने बितिक्कै खटिएको प्रहरी टोलीले बिबाह स्थलमै पुगेर बिबाह स्थगित गराई सबै जनालाई पक्राउ गरेको श्रेष्ठले बताए। उनका अनुसार फरक क्षमता (बहिरो) भएको मुकेशको बिहे माधव नारायण नगरपालिका ६ की १५ बर्षिय किशोरीसित धन सम्पतिको लोभ देखाई केटापक्षले बाल बिबाह गरिरहेका थिए।
पक्राउ परेका सबैलाई जिल्ला अदालतबाट विवाह सम्बन्धी कसूर (बाल बिवाह) मुदामा तिन दिनको म्याद थप गराई अनुसन्धान भईरहेको जिल्ला प्रहरी कार्यालय रौतहटले जनाएको छ।
भर्खरै
लोकप्रिय
