झापा – झापाबाट प्रहरीले ३ करोड रूपैयाँ मूल्य बराबरको ग्लोवल ओरियन्स नेटवर्किङ कम्पनीका सामान बरामद गरेको छ।
दमक नगरपालिका ६ मा रहेको ग्लोवल ओरियन्स नेटवर्किङ कम्पनीको कार्यालयमा झापा प्रहरीले छापा मारी उक्त मूल्यका अबैध सामान बरामद गरेको हो।
दमक ६ स्थित पदम गुरुङको घरमा भण्डारण गरी नेटवर्किङ रुपमा कारोवार गर्दै आएका जितेन्द्र साहसहित ती सामानहरु नियन्त्रणमा लिईएको जिल्ला प्रहरी कार्यालयका प्रहरी उपरीक्षक सानुराम भट्टराईले जानकारी दिए।
मंगलबार इलाका प्रहरी कार्यालय दमकमा पत्रकार सम्मेलन गरी प्रहरी उपरीक्षक भट्टराईले सो जानकारी दिएका हुन्।
उनका अनुसार बरामद गरिएको खाद्य बस्तुहरुको मूल्य ३ करोड रुपैयाँ रहेको अनुमान गरिएको छ।
वरामद गरिएको सामानको मूल्यको विल भने रु ८७ लाख २६ हजार ५ सय २० रहेको पाइएको प्रहरीको भनाइ छ।
काठमाडौंको बालाजुमा दर्ता रहेको ग्लोवल ओरियन्स प्रालिबाट केही परिमाणका खाद्यबस्तु खरिद गरेको र अन्य बस्तु भन्सार तथा राजश्व छली गरेर ल्याइएको आशंकामा प्रहरीले ती सामान बरामद गरेको उनले बताए।
भर्खरै
लोकप्रिय
