काठमाडौं- नेकपा एमाले महासचिव ईश्वर पोखरेलले पार्टीका आफ्ना विरोधी माधवकुमार नेपाल, भीम रावल, सुरेन्द्र पाण्डे र घनश्याम भुसाललाई फरकफरक घटनाका आरोपसहित स्पष्टीकरण सोधेका छन्।
जबाफ नदिएमा या चित्तबुझ्दो नभएमा भने कारवाही एकै किसिमको हुने देखिएको छ। चार जना नेतालाई नै विधानको धारा ४९ को क को १, २, ३, ४, ५, ६, ७, ९, १० र १४ उल्लंघन गरेको सप्रमाण भएकोले पार्टी विधान बमोजिम कारवाही किन नगर्ने भन्ने प्रश्न गरिएको छ।
साथै तीन दिनभित्र स्पष्टीकरणसहित लिखित जबाफ प्रस्तुत नगरेमा पार्टीको विधान र नियमावली बमोजिम कारवाही हुने चेतावनी दिइएको छ।
पोखरेलले चारै जना नेतालाई पार्टी अध्यक्ष र आफ्नो मौखिक तथा लिखित निर्देशन विपरीत चैत्र ४ र ५ गते भेला आयोजना गरेको साझा आरोप लगाएका छन्।
भेलामा पार्टीको निर्देशन विपरीत पार्टीको नाम, चिन्ह र झण्डाको दुरुपयोग गरेको आरोप चारै जना नेतालाई पोखरेलले लगाएका छन्।
नेता नेपाललाई नेकपा रहँदा अध्यक्ष एवं प्रधानमन्त्री केपी शर्मा ओलीविरुद्धको आरोपपत्र पत्र तयार पार्न पुष्पकमल दाहाल ‘प्रचण्ड’लाई सहयोग गरेको आरोप लगाइएको छ।
नेता सुरेन्द्र पाण्डे र भीम रावललाई ओलीविरुद्ध अविश्वासको प्रस्ताव दर्ता गरेकोमा आरोप लगाइएको छ।
नेता घनश्याम भुसाललाई लगाइएको आरोप पत्र भने यस्तो छ।
भर्खरै
लोकप्रिय
