काठमाडौँ– नेकपा (एमाले)का उपाध्यक्ष भीम रावलले पार्टी अध्यक्ष एवं प्रधानमन्त्री केपी शर्मा ओलीलाई आफ्नो नाममा बेग्लै काउण्टर स्पष्टीकरण सोधेका छन्। ओलीलाई पठाइएको रावलको स्पष्टीकरण पत्रमा १४ वटा प्रश्न गरिएको छ।
रावलको स्पष्टीकरण पत्रमा ओलीले पार्टी विधान उल्लंघन गरेको, पार्टीलाई विभाजन उन्मूख गराएको, नक्कली कमिटी खडा गरेको, विभिन्न भ्रम सिर्जना गरी आफूहरुको बदनाम गरेकोदेखि नेकपा एकतापछि केन्द्रीय कार्यालयमा सञ्चित १८ करोडभन्दा बढी रकमको दुरुपयोग गर्न आफूलाई सहज तुल्याउने अभ्यास गरेको समेत आरोप लगाइएको छ।
यस्तै रावलले ठूलो दबाबपछि भारतले अतिक्रमण गरेको भुभागलाई समेटेर नक्सा प्रकाशित गरेपनि नेपालका अतिक्रमित भूभाग र यस सम्बन्धी अन्तर्राष्ट्रिय कानुन एवं मान्यताबारे शिक्षा मन्त्रालयद्वारा प्रकाशित पुस्तकमा लगाइएको सरकारी बन्देजको आलोचना गरेका छन्।
ओलीले रावललाई पठाएको स्पष्टीकरण पत्रमा रावल प्रचण्डको मतियार भएको आरोप लगाएका थिए। जवाफमा रावलले ओलीलाई भनेका छन्, ‘तपाईंले पुष्पकमल दाहाल प्रचण्डसँग गर्नुभएका सम्झौता, निरन्तर बैठक र सहकार्यको आधारमा तपाईं नै उहाँको सबैभन्दा ठूलो मतियार हो भन्न सकिन्न र? तर यस्तो दृष्टिकोण ममा छैन।’
रावलले ओलीलाई प्रश्न गरेका छन्, ‘स्वेछाचारी कामगर्दा तपाईंलाई नवौं राष्ट्रिय महाधिवेशनमा गरिएको शपथको सम्झना किन भएन?’
यस्तो छ, रावलले ओलीलाई पठाएको काउण्टर स्पष्टीकरणः
भर्खरै
लोकप्रिय
