भक्तपुर– अग्नि समूहको सहायक कम्पनी बालाजु अटो वर्क्स प्रालिले सूर्यविनायक–१०, भक्तपुरमा महिन्द्रा फोर ह्विलर सवारी साधनको आधिकारिक सर्भिस सेन्टर स्थापना गरेको छ। कम्पनीका अनुसार सेवा केन्द्र ‘भक्तपुर मोटो टेक’ त्यस क्षेत्रका लागि बालाजु अटो वर्क्सको अधिकृत डिलर हो।
भक्तपुरका प्रमुख जिल्ला अधिकारी प्रेम भट्टराई, बालाजु अटो वर्क्सका प्रबन्ध निर्देशक अर्जुनप्रसाद शर्मा, भक्तपुर मोटो टेकका प्रबन्ध निर्देशक प्रयास बुढाथोकी, सूर्यविनायक नगर प्रमुख वासु थापा, नायिका अदिति बुढाथोकी र जगाती परिसरका डीएसपी राजेश थापाले शुक्रबार उक्त डिलरको संयुक्त रूपमा उद्घाटन गरेका थिए।
कम्पनीका अनुसार यो सर्भिस सेन्टरले आफ्ना ग्राहकलाई महिन्द्रा अटो मोबाइल्सका स्कर्पियो, बोलेरो पिकअप, एक्सयूभी ५००, टीयूभी ३००, केयूभी १०० र थारलगात सबै उत्पादन शृंखलाको बिक्री–सेवा र सक्कली स्पेयर पार्ट्स उपलब्ध गराउने छ।
भर्खरै
लोकप्रिय
