काठमाडौँ– एनएमबि बैंकले थापाथली शाखामा ‘एनएमबि सहारा बचत खाता’ खोली कारोबार गर्दै आएका निर्विकार अमात्यलाई स्वास्थ्य बिमाबापत बिमितले पाउने १० लाख रुपैयाँ हस्तान्तरण गरेकाे छ।
बैंकका प्रदेश ३ प्रमुख गणेश पराजुली, एरिया म्यानेजर स्मृति भण्डारी र शाखा प्रमुख लजना तुलाधरले संयुक्त रूपमा अमात्यलाई स्वास्थ्य बिमाबापतको रकमको चेक हस्तान्तरण गरेका हुन्।
बैंकको उक्त खाता योजनामा शून्य मौज्दातमै खाता खोल्न सकिने, नेपालभरि पैसा झिक्दा अतिरिक्त शुल्क नलाग्ने डिलाइट एटिएम, १० लाखसम्मको दुर्घटना बिमाका साथै १८ घातक रोगमा स्वास्थ्योपचार बिमा सुविधा प्रदान गर्दै आएको छ।
बैंकले शिखर इन्स्युरेन्समार्फत उक्त भुक्तानी प्रदान गरेको हो।
बैंकले सबै क्षेत्र र वर्गसम्म बैंकिङ सेवाको पहुँच पुर्याउने उद्देश्यले विभिन्न स्थानमा शाखा, विस्तारित सेवा तथा शाखारहित बैंकिङ सेवामार्फत आफ्ना ग्राहकमाझ सेवा पुर्याउँदै आइरहेको छ।
भर्खरै
लोकप्रिय
