काठमाडौँ– सिटिजन्स बैंक इन्टरनेसनल लिमिटेडले ‘यूएसडी ई–कम’ कार्ड सञ्चालनमा ल्याएको छ।
नेपाल राष्ट्र बैंकले जारी गरेको अन्तर्राष्ट्रिय प्रिपेड कार्डसम्बन्धी परिपत्रअनुसार बैंकले उक्त सुविधा प्रदान गर्न लागेको हो।
यो सुविधाअन्तर्गत ग्राहकले सिटिजन्स बैंकको आफ्नो खातामा रहेको नेपाली रुपैयाँलाई सटही गरी एकै पटक वा पटक–पटक गरी वार्षिक ५ सय अमेरिकी डलर बराबरसम्मको रकम कार्डमा लोड गर्न बैंकसमक्ष अनुरोध गर्न सकिनेछ।
उक्त कार्ड प्रयोग गर्न चाहने ग्राहकले आफ्नो खातामा ग्राहक पहिचान केवाइसी विवरण अध्यावधिक गरेको एवं प्यान कार्ड लिएको हुनु पर्नेछ।
यसअन्तर्गत ग्राहकले नेपाल र भारतबाहेक देशबाट अनलाइनमार्फत वस्तु तथा सेवा खरिदबापत भुक्तानी गर्न यो कार्ड प्रयोग गर्न सक्नेछन्।
यो कार्ड प्रयोग गरी एटीएमबाट नगद झिक्न तथा पीएसओमार्फत कारोबार गर्न भने पाइने छैन।
बैंक इन्टरनेसनल लिमिटेडले देशैभर फैलिएका आफ्ना १६७ वटा शाखा, ११८ वटा एटीएम र १०७ वटा शाखारहित बैंकिङ इकाइबाट साढे ९ लाख ग्राहकवर्गलाई आधुनिक बैंकिङ सेवा प्रदान गर्दै आएको छ।
भर्खरै
लोकप्रिय
