एनआईबिएल एस क्यापिटलको समृद्धि फन्डः दोस्रो दिनमै ८७ प्रतिशतभन्दा बढी आवेदन

काठमाडौँ – एनआईबिएल एस क्यापिटलले बिक्रीमा ल्याएको एनआईबिएल समृद्धि फन्डको दोस्रो दिनमै ८७ प्रतिशतभन्दा बढी आवेदन परेको क्यापिटलले जनाएको छ।

क्यापिटलले वैशाख १३ गतेदेखि प्रतिइकाइ १० रुपैयाँ अंकित दरमा १ अर्ब २ करोड रुपैयाँ बराबरको १२ करोड इकाइ बिक्रीमा ल्याएको हो ।

फन्डले १५ प्रतिशत इकाइ कोष प्रवर्धक नेपाल इन्भेस्टमेन्ट बैंकलाई सुरक्षित गरी बाँकी रहेको इकाइ सर्वसाधारणलाई बिक्री गर्न लागेको हो।

उक्त फन्डमा न्यूनतम १०० देखि १ करोड २० लाख इकाइसम्म आवेदन दिन पाउने व्यवस्था छ।

इकाइ खरिदका लागि आवेदन दिन छिटोमा ०७८।०१।१६ गतेसम्म रहेको क्यापिटलले जनाएको छ।