अ
+
अ
अ
-
झापा – झापाको मेचीनगर – १५ मा रहेको ब्रिकेट कारखानामा लागेको आगो अझै नियन्त्रणमा आएको छैन।
पराजुली बायोमास ब्रिकेट कारखानामा लागेको आगो २४ घण्टामा बितिसक्दा पनि नियन्त्रणमा आउन नसकेको हो।
सोमबार बिहान ३ बजेतिर सल्किएको सो आगो अझै बलिरहेको छ। इलाका प्रहरी कार्यालय धुलाबारीका अनुसार आगो अझै बलिरहेको छ। आगो निभाउन नसकेपछि दमकलहरु फर्किएका छन्।
आगो निभाउन मेचीनगर, बिर्तामोड, भद्रपुर, कमल, दमकका गरी जिल्लाका पाँच तथा उर्लाबारी र कानेपोखरीको गरी ७ वटा दमकल परिचालन गरिएका थिए।
दमकलसँगै जनपथ प्रहरी र सशस्त्र प्रहरी ३०–३० जना खटिएका थिए। स्थानीयबासी पनि आगो निभाउन लागेका थिए।
उक्त कारखानामा लागेको आगोबाट १० देखि १२ करोडसम्म क्षति भएको अनुमान गरिएको छ। आगलागीबाट एउटा पुरै युनिट जलेर नष्ट भएको छ। विद्युत सर्ट भएर आगलागी भएको अनुमान गरिएको छ।
भर्खरै
लोकप्रिय
