बुटवल – रुपन्देहीमा कोरोना संक्रमणबाट पछिल्लो २४ घण्टामा १८ जनाको मृत्यु भएको छ। जिल्लाका अस्पताल र आइसोलेसन सेन्टरमा गरि उनीहरुको मृत्यु भएको स्वास्थ्य कार्यालयले जनाएको छ।
यससँगै रूपन्देहीमा कोरोना संक्रमणबाट ज्यान गुमाउनेको संख्या ३ सय २७ पुगेको छ। यस्तै रुपन्देहीमा पछिल्लो २४ घण्टामा थप ४ सय ९४ जनामा कोरोना संक्रमण पुष्टि भएको छ।
बुटवल उपमहानगर पालिकामा सबैभन्दा धेरै १ सय ९४ जना संक्रमित थपिएका छन्। यस्तै, तिलोत्तमामा १ सय ३० जना, सिद्धार्थनगर नगरमा ५५ जना, सैनामैनामा ४१, देवदह र कञ्चनमा २०–२० जनामा संक्रमण पुष्टि भएको हो ।
त्यस्तै, सियारीमा ११, कोटहीमाइमा ९, ओमसतियामा ८, शुद्धोधनमा ५, मायादेवीमा ३, रोहीणीमा २ र लुम्बिनी सांस्कृतिक नगरपालिकामा १ जना संक्रमित थपिएको स्वास्थ्य कार्यालय रुपन्देहीका भेक्टर कन्ट्रोल निरिक्षक केदारनाथ शाहले जानकारी दिए। यससँगै रुपन्देहीमा सक्रिय संक्रमितको संख्या ७ हजार ४ सय ७० जना पुगेका छन्।
भर्खरै
लोकप्रिय
