महामारी अन्त्यको कामना गर्दै लुम्बिनीमा २५६५ वटा दीप प्रज्वलन

बुटवल– बुद्ध जन्मस्थल लुम्बिनीमा २५६५ औँ बुद्ध जयन्तीको अवसरमा कोरोना महामारी अन्त्यको कामना गर्दै दीप प्रज्वलन गरिएको छ।
कोरोना भाइरसको महामारीका कारण बुद्ध जन्मस्थलमा कुनै औपचारिक कार्यक्रम भएनन्।

कोरोना भाइरसका कारण ज्यान गुमाउनेहरूको सम्झना, बिरामीको स्वास्थ्यलाभ र महामारी अन्त्यको कामना गर्दै २५६५ वटा दीप प्रज्वलन गरेको लुम्बिनी विकास कोषका सदस्य–सचिव शानुराजा शाक्यले जानकारी दिए।

बिहान सीमित उपस्थितिमा बुद्ध पूजा र मन्त्रोचारण गरिएको थियो।