कोरोनाका कारण ८ दिनको अन्तरमा बुबाआमा र छोराको ज्यान गुम्यो

बुटवल- रुपन्देहीमा कोरोना भाइरसको संक्रमणबाट एकै परिवारका ३ जनाको मृत्यु भएको छ।

बुटवल उपमहानगरपालिका वडा नम्बर १० का नरबहादुर गुरुङको परिवारका ३ जनाको मृत्यु भएको हो।

८ दिनको अन्तरमा ६९ वर्षिय नरबहादुर गुरूङ, उनकी श्रीमती ५९ वर्षीया मनसरा र ३९ वर्षका छोरा प्रेमबहादुर गुरुङको मृत्यु भएको वडा नं. १० का अध्यक्ष तथा छिमेकी पदमबहादुर थापाले जानकारी दिए।

उनका अनुसार नरबहादुर र प्रेमको उपचारका क्रममा भैरहवास्थित युनिर्भसल कलेज अफ मेडिकल साइन्स भैरहवाको मृत्यु भएको हो।

मनसराको होम आइसोलेसनमा जेठ ५ गते, छोरा प्रेमको जेठ ७ गते र नरबहादुरको १२ गते मृत्यु भएको उनले जनाए।

प्रेमकी श्रीमती पनि संक्रमित छन्। उनलाई पनि कोरोना संक्रमण भएर बुटवल एन्फा टेक्निकल सेन्टरको आइसोलसनमा राखिएको छ।