मुक्तिनाथ विकास बैंकको गुगल प्लस कोड सार्वजनिक

काठमाडौँ – मुक्तिनाथ विकास बैंकले आफ्नो सबै कार्यालयको स्थान पहिचान गर्न सहज होस् भन्ने अभिप्रायले गुगल प्लस कोड सार्वजनिक गरेको छ।

यो कोड गुगल नक्सामा टाइप गरेमा सो कार्यालय रहेको स्थान सजिलै पहिचान गर्न सकिन्छ।
यस्तो कोड अद्यावधिक गर्ने नेपालको पहिलो बैंक हो।

गुगलप्लस कोड गुगल नक्सामा आधारित जीपीएस प्रणालीले स्थान जनाउने कोड हो।

सो कोडको प्रयोगले खोजेको स्थानको ढोकासम्मै पुग्न सकिन्छ।

यो कोड सम्बन्धित कार्यालयमा फोन गरेर वा बैंकको बेवसाइटमा शाखाको विवरण रहेको स्थानमा हरेक शाखाको कोड उपलब्ध गराइएको जनाइएको छ।

बैंकले डिजिटल कारोबारलार्ई प्रोत्साहन गर्न यस विकास बैंकको एटीएम कार्ड प्रयोग गरी नेपालभरि रहेको भिजा नेटवर्कमा आबद्ध अन्य जुनसुकै बैंकको एटीएम मेसिनबाट निःशुल्क रकम झिक्न सकिने व्यवस्था गरेको छ।