अ
+
अ
अ
-
काठमाडौँ– वैशाखमा नेपाल, नेदरल्यान्डस् र मलेसियाबीच सम्पन्न भएको त्रिदेशीय क्रिकेट प्रतियोगितामा उत्कृष्ट प्रदर्शन गर्दै उपाधि जितेको राष्ट्रिय क्रिकेट टोलीलाई बिहीबार एक समारोहबीच मुख्य प्रायोजक माई सेकेन्ड टिचरले प्रोत्साहन र सम्मानस्वरुप नेपाली क्रिकेट टोलीलाई ५ लाख र सो प्रतियोगितामा डेब्यु गरेका ४ खेलाडीलाई जनही १ लाख प्रदान गरेको छ।
प्रतियोगिताको फाइनलमा घोषणा गरिएको सो पुरस्कार निषेधाज्ञाका कारण बुधबार मात्र हस्तान्तरण गरिएको हो ।
त्रिवि अन्तर्राष्ट्रिय क्रिकेट स्टेडियम, कीर्तिपुरमा आयोजित उक्त प्रतिस्पर्धात्मक सिरिजमा मलेसिया र नेदरल्यान्डस्लाई पराजित गर्दै नेपाल सिरिजको शीर्ष स्थान हासिल गर्न सफल भएको थियो । जुलाईमा स्पेनमा आयोजना हुन गइरहेको विश्वकप लिग टु मा नेपालले दोस्रो शृंखलामा स्कटल्यान्ड र नामिबियाको सामना गर्नेछ ।
समारोहबीच नेपालका सर्वोत्कृष्ट खेलाडी ज्ञानेन्द्र मल्लले नेपालको उत्कृष्ट प्रदर्शनमा खुसी व्यक्त गर्दै आगामी दिनमा पनि नेपालको प्रदर्शन विशिष्ट र सन्तोषजनक रहने दाबी गरेका थिए।
समारोहबीच इन्नोभेट टेकका संस्थापक अध्यक्ष सुलभ बुढाथोकीले भने, ‘ट्राई नेसन सिरिजमा नेपालको उत्कृष्ट प्रदर्शन देख्दा निकै गर्वशाली महसुस भएको छ।’
नेपाली क्रिकेट टोलीको खेलको स्तरोन्नति र खेलाडीको आत्मविश्वास देख्दा अन्तर्राष्ट्रिय खेलकुद जगत्मा नेपाल चाडैँ फस्टाउने कुरामा निकै आशावादी रहेको उनले बताए।
भर्खरै
लोकप्रिय
