काठमाडौँ – नेपाल इन्भेस्टमेन्ट बैंक ‘युरोमनी अवार्ड फर एक्सिलेन्स २०२१’ बाट सम्मानित भएको छ। बैंकले दोस्रो पटक यो अवार्ड पाएको हो। यसअघि बैंकले २०१८ मा यो अवार्ड जितेको थियो।
युरोम्यागाजिनले वित्तीय क्षेत्रमा निकै सम्मानित मानिने यो अवार्ड हरेक वर्ष एउटा देशको उत्कृष्ट बैंकलाई प्रदान गर्दै आएको छ। १९९२ मा स्थापना गरिएको यस अवार्ड कार्यक्रम विश्व बैंकिङ उद्योगमा सुरु गरिएको पहिलो अवार्ड हो ।
यस अवार्ड विश्वको १०० वटा देशमा सञ्चालन हुने गरेको छ। बैंकको गुणस्तरीय सेवा, सिर्जनात्मक र ग्राहकप्रतिको विशेषज्ञताका लागि युरो म्यागेजिनले यो अवार्ड प्रदान गर्दै आएको छ।
बैंकले मुलुकभरका ८६ शाखा कार्यालय, १३१ एटीएम, १० वटा राजस्व संकलन काउण्टर एवं ५८ वटा शाखारहित बैंकिङमार्फत बैंकिङ सेवा प्रदान गर्दै आएको छ।
निकै राम्रो सेवा र व्यापारको कारण ‘बैंक अफ द इयर’ अवार्डबाट पाँचपटक सम्मानित यस बैंक २०१८ मा यस अवार्डबाट सम्मानित भइसकेको छ।
भर्खरै
लोकप्रिय
