काठमाडौँ – नेकपा एमाले अध्यक्ष केपी शर्मा ओली पक्षीय केन्द्रीय कमिटी बैठकले आगामी भदौ २७ र २८ गते विधान महाधिवेशन गर्ने निर्णय गरेको छ। सोमबार बसेको ओली पक्षीय केन्द्रीय कमिटी बैठकले यस्तो निर्णय गरेको हो।
यसको प्रस्ताव स्थायी कमिटी बैठक हुँदै केन्द्रीय कमिटी बैठकमा अनुमोदनका लागि पुगेको थियो ।
विधान महाधिवेशनका निम्ति चार समितिहरू प्रस्तावित छन् । केपी शर्मा ओली संयोजक रहने गरी राजनीतिक प्रतिवेदन मस्यौदा समिति छ। यसमा वामदेव गौतम, रामबहादुर थापा ‘बादल’, प्रदीप ज्ञवाली, छविलाल विश्वकर्मा, सत्यनारायण मण्डल, विष्णु रिमाल र विन्दा पाण्डे सदस्य छन् । यस्तै संयोजक ईश्वर पोखरेल रहने गरी संगठनात्मक प्रतिवेदन मस्यौदा समिति छ ।
यसमा विष्णु पौडेल, टोपबहादुर रायमाझी, शंकर पोखरेल, किरण गुरुङ र पद्मा अर्याल सदस्यहरु छन् । संयोजक विष्णु पौडेल रहने गरी विधान संशोधन मस्यौदा समिति छ । सदस्यहरुमा सुवास नेम्वाङ, पृथ्वी सुब्बा गुरुङ, लेखराज भट्ट, रघुवीर महासेठ, राधा ज्ञवाली, भानुभक्त ढकाल र प्रभु साह छन् ।
संयोजक रामबहादुर थापा ‘बादल’ रहेको व्यवस्थापन समिति छ। सदस्यहरुमा मणि थापा, शेरबहादुर तामाङ, सुजिता शाक्य, विनोद श्रेष्ठखिमलाल भट्टराई, महेश बस्नेत र पासाङ शेर्पा छन् ।
भर्खरै
लोकप्रिय
