काठमाडौँ– एनआईसी एसिया बैंकले ल्याएको न्यू प्रिमियम सुपर चामत्कारिक बचत खाता योजनाअन्तर्गत दुई जना खातावालालाई जनही १० लाख रुपैयाँ गरी कुल २० लाख रुपैयाँ बिमा रकम भुक्तानी गरेको छ।
जसअनुसार यस बैंकको काठमाडौंस्थित कमलादी शाखामा न्यू प्रिमियम सुपर चामत्कारिक बचत खाता ‘डायमण्ड श्रेणी’ को खाता खोलेका टोखा नगरपालिका–५, बसुन्धारा निवासी ५८ वर्षीय अमरनाथ श्रेष्ठलाई घातक रोगको उपचार बिमाबापत १० लाख रुपैयाँ बिमा रकम भुक्तानी गरिएको छ।
उनकी पत्नी रुकमती श्रेष्ठलाई यस बैंकको सहायक प्रमुख कार्यकारी अधिकृत सन्तोषकुमार राठीले उक्त रकम बराबरको चेक हस्तान्तरण गरेका हुन्।
साथै, यस बैंकको कञ्चनपुर जिल्लास्थित पुनर्वास शाखामा न्यू प्रिमियम सुपर चामत्कारिक बचत खाता ‘प्राइम श्रेणी’ को खाता खोलेको पुनर्वास–६, कञ्चनपुर निवासी रमेश अर्यालको दुर्घटनापश्चात् मृत्यु भएकामा उनी पत्नी विनिता सुवेदीलाई दुर्घटना बिमाबापत १० लाख रुपैयाँ बिमा रकम भुक्तानी गरिएकोे छ।
उनलाई यस बैंकको पुनर्वास शाखा प्रमुख एमपौस चौधरीले उक्त रकम बराबरको चेक हस्तान्तरण गरेका हुन्। यस बैंकको बिमासहितको निक्षेप योजनाअन्तर्गत हालसम्म देशभरका ५ सय ५० जनाभन्दा बढी ग्राहकले बिमाबापतको ३ करोड ५८ लाख रुपैयाँभन्दा बढी रकम प्राप्त गरिसकेका छन्।
बैंकले मुलुकभर रहेका ३५६ शाखा कार्यालय, ४७२ एटिएम, ७० वटा विस्तारित काउन्टर एवं ८१ वटा शाखारहित बैंकिङमार्फत सेवा प्रदान गर्दै आएको छ।
भर्खरै
लोकप्रिय
