काठमाडौँ– वृज सिमेन्ट इन्डस्ट्रिज प्रालिको वृज एक्सपर्ट मेसन क्लबमा आबद्ध सदस्यलाई घरले च्यापिएर मृत्यु भएका परिवारलाई कम्पनीले ५ लाख आर्थिक सहयोग गरेको छ।
जेठ ८ गते क्लबका सदस्य प्युठान जिल्ला नौबहिनी गाउँपालिका–१ स्याउली वाङका ३९ वर्षीय बोमबहादुर मल्ल, उनकी श्रीमती र छोराको घटनास्थलमै मृत्यु भएको थियो ।
सोही परिवारलाई वृज सिमेन्टले ५ लाख रुपैयाँ बिमाबापतको रकम हस्तान्तरण गरेको हो। कम्पनीका एरिया सेल्स म्यानेजर नारायण जिसीले छोरी कुमारी मल्ललाई पाँच लाखको चेक हस्तान्तरण गरेका हुन्।
वृज सिमेन्ट इन्डस्ट्रिज प्रालिले वृज सिमेन्ट एक्सपर्ट मेसन क्लब स्थापना गरी क्लबमा आबद्ध सदस्यहरूको ५ लाख बराबरको बिमा योजना अगाडि बढाएको छ ।
देशका विभिन्न स्थानमा एक्सपर्ट मिट कार्यक्रम गर्दै निर्माणकर्मीलाई ‘एक्सपर्ट मेसनक्लब’ मा आबद्ध गरी बिमासहितका थप सुविधा प्रदान गर्दै आएको वृज सिमेन्ट कम्पनीका सेल्स म्यानेजर नुमेन्द्र पौडेलले जानकारी दिए।
भर्खरै
लोकप्रिय
