काठमाडौँ– माछापुच्छ्रे बैंक लिमिटेडको बुधबार बसेको सञ्चालक समितिले ०७७।७८ को खुद मुनाफाबाट सेयरधनीलाई चुक्ता पुँजीको १४ प्रतिशत करसहित वितरण गर्ने प्रस्ताव गरेको छ।
कम्पनीले सेयरधनीलाई १ अर्ब २६ करोड ७४ लाख ३२ हजार ६ सय ३२ लाभांश वितरण गर्ने निर्णय गरेको हो। उक्त लाभांशअन्तर्गत बैंकले १३.३० प्रतिशत बोनस सेयर र ०.७० प्रतिशत नगद लाभांश (कर प्रयोजनको लागि) नेपाल राष्ट्र बैंकको स्वीकृति एवं आगामी वार्षिक साधारण सभाबाट पारित भएपछि वितरण गर्ने निर्णय गरेको छ।
बैंकले गत आर्थिक वर्षमा १ अर्ब ६० करोड ७४ लाख रुपैयाँ खुद नाफा गरेर प्रतिसेयर आम्दानी १७ रुपैयाँ ७६ पैसा कायम गरेको थियो। बंैकको चुक्ता पुँजी ९ अर्ब ५ करोड रुपैयाँ तथा साधारण जगेडा कोषमा २ अर्ब २ करोड रुपैयाँ सञ्चित छ।
माछापुच्छ्रे बैंकले झापादेखि कञ्चनपुरका साथै हिमालदेखि पहाड र तराई गरी सातै प्रदेशमा आफ्ना १६२ वटा शाखा र १७५ शाखारहित बैकिङ सेवा, ७ एक्सटेन्सन काउन्टरसमेत गरी जम्मा ३४४ स्थानबाट १० लाखभन्दा बढी ग्राहकमा सम्पूर्ण बैकिङ सुविधा प्रदान गरिरहेको छ।
साथै, देशभर २०३ वटा एटीएम सञ्चालनमा रहेको बैंकले जनाएको छ।
भर्खरै
लोकप्रिय
