काठमाडौँ – नेपालमा बढ्दो कोभिड १९ को संक्रमण र यसबाट हुन सक्ने मृत्युबाट नेपाली जनतालाई जोगाउने प्रयासमा हातेमालो गर्दै नेपाल बंगलादेश बैंकले आफ्नो संस्थागत सामाजिक उत्तरदयित्वअन्तर्गत ९० भायल रेम्डिसिभिर औषधि शुक्रराज ट्रपिकल तथा सरुवा रोग अस्पताल, टेकुलाई सहयोगस्वरूप प्रदान गरेको छ।
उक्त औषधि नेपाल बंगलादेश बैंकका प्रमुख कार्यकारी अधिकृत ज्ञानेन्द्र ढुंगानाले शुक्रराज ट्रपिकल तथा सरुवा रोग अस्पतालका निर्देशक डा अनुप बास्तोलालाई हस्तान्तरण गरेका हुन्।
बैंकले कोभिड १९ को संक्रमणको उच्च जोखिमका बेला शुक्रराज ट्रपिकल तथा सरुवा रोग अस्पतालले गरेको कार्यको सराहना गर्दै उक्त अस्पताललाई चयन गरेको जनाएको छ।
बैंकले सामाजिक उत्तरदायित्वलाई सधैँ उच्च प्राथमिकतामा राख्ने गरेको छ। बैंकले बंगलादेशस्थित साझेदार बैंक आइएफआइसी बैंक लिमिटेडसँग मिलेर ०७६।७७ मा ५००० भायल तथा ०७८।७८ मा पनि ५००० भायल रेम्डेसिभिर नेपाल सरकारलाई सहयोगस्वरूप प्रदान गरेको थियो। उक्त औषधि बंगलादेशका लागि नेपालका राजदूत महामहिम वंशीधर मिश्रलाई ढाकास्थित नेपाली दूतावासमा हस्तान्तरण गरिएको थियो। बैंकले १०० शाखा, १० एक्सटेन्सन काउन्टर तथा ८१ वटा एटीएममार्पmत सेवा दिइरहेको छ।
भर्खरै
लोकप्रिय
